काठमाडौं । एनआइसी एशिया बैंकले आफ्नो स्वामित्वमा रहेको दुई जीवन बीमा कम्पनीको संस्थापक शेयर लिलामी स्थगित भएको छ। बैंकले मंसिर १४ गतेदेखि लिलामीमा ल्याएको चार कम्पनीहरुमध्ये आफ्नो स्वामित्वमा रहेको सूर्या लाइफ र एसियन लाइफ इन्स्योरेन्सको लिलामी प्रकिया रोकेको हो ।
बैंकले यसअघि शुक्रबार मंसिर १९ गतेसम्म लिलामीमा बिक्री गर्न लागेको थियो । तर बिशेष कारण देखाँउदै अर्को सूचना जारी नभएसम्मका लागि लिलामी प्रक्रिया रोकिएको जानकारी दिएको छ । बैंकले सूर्या लाइफको १ लाख ९२ हजार ९ सय ९४ र एसियन लाइफको १ लाख ३९ हजार ४ सय ७० कित्ता सेयर लिलामीमा ल्याएको थियो ।त्यस्तै, नागरिक लगानी कोष र नेशनल लाइफ को लिलामी पक्रिया भने यथाव्त रहेको बैंकले जनाएको छ।
बैंकले नागरिक लगानी कोषको २ लाख २ हजार ५६० र नेसनल लाइफको १ लाख २५ हजार ७२६ कित्ता शेयर लिलामीमा ल्याएको हो ।जसमा आज (शुक्रबार) मंसिर १९ गतेसम्म बोलपत्र पेश गर्न सकिनेछ । कम्पनीको लिलामी आवेदन एनआइसी एसिया क्यापिटल बबरमहल, एनआइसी एसिया बैंकको केन्द्रीय कार्यालय थापाथली र शाखा कार्यालयहरु विराटनगर, वीरगंज, पोखरा, बुटवल, धनगढी र सुर्खेतबाट पेश गर्न सकिने व्यवस्था गरेको छ ।
