काठमाडौं । सबैको लघुवित्तको नायब महाप्रवन्धकमा पवन कुमार श्रेष्ठ नियुक्त भएका छन् । नवनियुक्त श्रेष्ठलाई कम्पनीका प्रमुख कार्यकारी अधिकृत केशब कुमार पौडेलले पद तथा गोपनियताको शपथ गराएका थिए ।
श्रेष्ठ निर्धन उत्थान लघुवित्तमा २२ वर्ष काम गरी प्रादेशिक स्तरको तत्कालीन आरम्भ लघुवित्त वित्तीय संस्था लिमिटेडमा प्रमुख कार्यकारी अधिकृतमा कार्यरत थिए ।निर्धन उत्थान लघुवित्तबाट करिअर सुरु गरेका उनीसँग लघुवित्त क्षेत्रमा लामो समयदेखि काम गरेको अनुभव रहेको छ ।
