काठमाडौं । शाइन रेसुङ्गा डेभलपमेण्ट बैंकले पुस २९ गते साधारण सभा गर्ने भएको छ । सभा कम्पनीको केन्द्रीय कार्यालय भवन निर्माणस्थल बुटवल, रुपन्देहीमा बिहान ११ बजेबाट शुरु हुने बैंकले जनाएको छ ।
सभाले १३ प्रतिशत बोनस शेयर वितरण गर्ने प्रस्ताव पारित गर्नेछ । त्यस्तै, सभामा कम्पनीको केन्द्रीय कार्यालयको ठेगाना परिवर्तन गर्ने र सोही बमोजिम प्रबन्धपत्र नियामावलीमा संशोधन गर्ने र उक्त कम्पनीसँग अन्य कुनै पनि बैंक तथा वित्तीय सस्था एक आपसमा गाभ्ने गाभिने प्रयोजनको लागि आवश्यक सम्पूर्ण कार्यहरु गर्नका लागि सञ्चालक समितिलाई अख्तियारी प्रदान गर्ने प्रस्ताव पनि सभाले पारित गर्नेछ ।
सभामा संस्थापक शेयरधनीको तर्फबाट ४ जना र सर्वसाधारण शेयरधनीको तर्फबाट २ जना सञ्चालकहरुको निर्वाचन गर्नेछ ।
साधारण सभा प्रयोजनको लागि शेयरधनी दर्ता पुस्तिका पुस १६ गतेदेखि २९ गतेसम्म बन्द रहनेछ । पुस १५ गतेसम्म कायम शेयरधनीले लाभांश र साधारण सभामा भाग लिन पाउनेछन् ।
