काठमाडौं । साना किसान विकास लघुवित्त वित्तीय संस्था लिमिटेडको १९औं वार्षिक साधारणसभा पुस २८ गते मंगलबार हुने भएको छ । उक्त सभा कम्पनीको रजिष्टर्ड कार्यालय सुविधानगर तिनकुनेबाट भिडियो कन्फ्रेन्समार्फत बिहान ११ बजे हुने जनाएको छ।
सभाले चुक्ता पूँजीको १ दशमलव ३२ प्रतिशत नगद लाभांश र २५ प्रतिशत बोनस शेयर दिने प्रस्ताव पारित गर्ने छ भने सञ्चालक समितिको प्रतिवेदनमाथि छलफल गरी पारित गर्ने छ ।
सभामा संस्थाको प्रबन्धपत्रमा व्यवस्था भएको जारी र चुक्तपूँजी रु १ अर्ब २ लाख २९ हजार ४२५ बाट वृद्धि गरी जारी र चुक्तापूँजी १ अर्ब २५ करोड १५ लाख ३० हजार ९८२ कायम गर्न र सोही अनुसार मिलान गर्न प्रबन्धपत्रको दफा ५ मा संशोधन गर्ने प्रस्ताव पनि परित गरिने छ ।
साधारणसभा प्रयोजनका लागि पुस १६ गतेदेखि २८ गतेसम्म बैंकको शेयरधनी दर्ता किताब बन्द रहने छ । त्यसकारण पुस १५ गतेसम्म शेयर कारोबार गरेका शेयरधनीहरु सभामा भाग लिन तथा लाभांश पाउन योग्य हुनेछन् ।
