काठमाडौं । आशा लघुवित्त वित्तीय संस्था लिमिटेडको चौथो वार्षिक साधारणसभा पुस २५ गते शनिबार हुने भएको छ । कम्पनीले नुवाकोटको ककनीमा रहेको फल एण्ड ट्राउट भिलेज होतल एण्ड रेस्टुरेन्टमा विहान ११ बजे सभा हुने संस्थाले जनाएको छ ।
कम्पनीले साधारणसभामा उपस्थित हुने शेयरधनी र सञ्चलकहरुलाई कोरोना भाइरसको जोखिमलाई ध्यानमा राखि सरकारले लागु गरेको स्वास्थ्य मापदण्ड अनिवार्य पालना गरी उपस्थित हुन समेत संस्थाले अनुरोध गरेको छ ।
सभामाआर्थिक वर्ष ०७६/७७को मुनाफाबाट चुक्ता पूँजीको १५ प्रतिशत बोनश शेयर र कर प्रयोजनका लागि ० दशमलव ७९ प्रतिशत नगद लाभांश वितरण गर्ने प्रस्ताव पारित गर्ने छ ।
सभाले अन्य लघुवित्त संस्थाहरु गाभ्ने/गाभिने, प्राप्ति गर्ने तथा खरिद सम्बन्धी प्रक्रिया अगाडि बढाउनका लागि सञ्चालक समितिलाई अख्तियारी प्रदान गर्ने प्रस्ताव पनि पारित गर्ने छ ।
कम्पनीले पुस १२ गते एक दिन शेयर दाखिला खारेज दर्ता बन्द गर्ने निर्णय गरेको छ । त्यसकारण पुस ११ गतेसम्म कायम शेयरधनीले मात्र सभामा भाग लिन तथा लाभांश लिन पाउनेछन् ।
