काठमाडौं । पोखरा फाइनान्स लिमिटेडले लाभांश प्रस्ताव गरेको छ ।फाइनान्सको पुस ३ गते, शुक्रबार बसेको सञ्चालक समितिको बैठकले आर्थिक वर्ष २०७६/७७ को मुनाफाबाट फाइनान्सका शेयरधनीहरूलाई ५ प्रतिशत बोनस शेयर र ० दशमलव २६३ प्रतिशत नगद (कर प्रयोजनका लागि) गरि कुल ५ दशमलव २६३ प्रतिशत लाभांश वितरण गर्ने प्रस्ताव गरेको हो ।
उक्त प्रस्तावित लाभांश नेपाल राष्ट्र बैंक र फाइनान्स कम्पनीको आगामी वार्षिक साधारण सभाले पारित गरेपछि वितरण गरिनेछ ।
