काठमाडौं । मेगा बैंकले ‘मेगा अभिभावक बचत खाता’ योजना सार्वजनिक गरेको छ । बैंकले बचतसँगैे छोराछोरीहरुको भविष्य सुरक्षित र सुनिश्चित होस् भन्ने उद्देश्यले यस बचत योजना ल्याएको जनाएको छ ।
न्यूनतम ५ सय रुपैंया बचत हुनुपर्ने यस खातामा ४ दशमलव ५ प्रतिशत ब्याज पाइनुका साथै बिभिन्न आकर्षक सुविधा तथा छुटको पनि व्यवस्था गरिएको छ । यस योजनामा खातावाला अभिभावकको ५ लाख रुपैंयाको दुर्घटना बीमा सुविधा समेत रहेको छ ।
यसका साथै, खातावाललाई डिम्याट खाता तथा शेयर लगानी सम्बन्धी बिभिन्न आकर्षक विशेष सुविधाहरु पनि यस योजनामा समेटिएका छन् । खाताबाट सिधै शैक्षिक शुल्क भुक्तानी गर्न सकिने व्यवस्था गरेको बैंकले विज्ञप्ती मार्फत जनाएको छ ।
बैंकले २ सय ६ वटै शाखा तथा ३४ वटा एक्सटेन्सन काउन्टरहरुबाट यस योजना अन्तर्गत खाता खोल्न सकिने जनाएको छ ।
