काठमाडौं । माछापुच्छ्रे बैंकको २२ औँं वार्षिक साधारण सभा आज सम्पन्न भएको छ । गत आर्थिक वर्षको नाफाबाट १० दशमलव ४ प्रतिशत लाभांश वितरण गर्ने प्रस्ताव पारित गरेको छ ।
बैंकको पुस २ गते बिहिबार सम्पन्न साधारण सभाले हाल कायम चुक्ता पूँजीको ३ दशमलव ३७ प्रतिशत नगद र ७ दशमलव ०३ प्रतिशत बोनस लाभांश प्रदान गर्ने प्रस्ताव पारित गरेको हो ।बैंकले साधारण सभा भएसँगै आजैबाट आफ्ना शेयरधनीलाई लाभांश वितरण गर्न सुरु गरिसकेको जनाएको छ ।
त्यस्तै, उक्तसभाबाट सर्वसाधारण शेयरधनी समुहको तर्फबाट जय मुकुन्द खनाल, विश्व प्रकाश गौतम तथा सृजना कार्की भट्टराईलाई संचालक समितिको सदस्य पदमा निर्विरोध निर्वाचित गरेको छ ।बैंकको चुक्ता पूँजी ८ अर्ब ४५ करोड रुपैयाँ तथा साधारण जगेडा कोषमा १ अर्व ७० करोड रुपैंया संचित छ ।
