काठमाडौं । एभरेष्ट बैंकले पुस २७ गते २६ औं वार्षिक साधारण सभा गर्ने भएको छ । बैंकले उक्त सभा बिहान ११ बजे बैंकको केन्द्रिय कार्यालयमा गर्ने जनाएको छ ।
बैंकले साधारण सभा र लाभांश प्रयोजनका लागि पुस १० गतेदेखि २७ गतेसम्म बुक क्लोज गर्ने भएको छ । त्यसकारण शेयरधनीहरुले लाभांश प्राप्त गर्न र साधारण सभामा भाग लिनका लागि पुस ९ गतेसम्म शेयर कायम गर्नुपर्नेछ ।
कम्पनीले यस वर्षका लागि १० दशमलव ५३ प्रतिशत लाभांश प्रस्ताव गरेको छ । कम्पनीको कात्तिक १९ गतेको सञ्चालक समितिको बैठकले ५ प्रतिशत बोनस शेयर र कर प्रयोजन समेत गरी ५ दशमलव ५३ प्रतिशत नगद लाभांश वितरणको प्रस्ताव गरेको हो ।
उक्त कम्पनीले गत वर्ष ५ प्रतिशत बोनस शेयर र २० प्रतिशत नगद लाभांश गरी कुल २५ प्रतिशत लाभांश वितरण गरेको थियो ।
