काठमाडौं । कात्तिक मसान्तसम्ममा ग्लोबल आइएमई समुन्नत योजना– १ को प्रतिइकाई खुद सम्पति मूल्य (न्याभ) १ रुपैयाँ २४ पैसाले बढेर १२ रुपैयाँ ९० पैसा कायम भएको छ ।
अघिल्लो महिनामा फन्डको न्याभ ११ रुपैयाँ ६६ पैसा रहेको थियो । यस योजनाले कात्तिक मसान्तसम्ममा १ अर्ब २३ करोड २ लाख १७ हजार रुपैयाँ बराबरको सूचीकृत सेयर होल्ड गरेको छ । यो अघिल्लो महिनाको भन्दा १५ दशमलव २२ प्रतिशतले बढेको हो।
असोज महिनामा फन्डले १ अर्ब ६ करोड ७६ लाख २४ हजार रुपैयाँ बराबरको सेयर होल्ड गरेको थियो । फन्डले विभिन्न सामूहिक लगानी कोषको योजना सहित कुल ८२ वटा कम्पनीको शेयरमा लगानी गरेको छ ।
