काठमाडौं । गुराँस लाइफ इन्स्योरेन्स कम्पनीको साधारणसभाबाट नयाँ अध्यक्ष चयन भएका विवेक दुगड हिजो बीमा समितिमा पुगेर पद तथा गोपनियताको सपथ लिएका छन् ।
नवनियुक्त अध्यक्ष दुगडले सोमबार अपरान्ह बीमा समितिमा आयोजित कार्यक्रममा अध्यक्ष चिरञ्जीवी चापागाई समक्ष पद तथा गोपनियताको सपथ लिएका हुन् । कार्यक्रममा कार्यकारी निर्देशक राजुरमण पौडेलको उपस्थिति रहेको थियो ।
बीमा समितिले जारी गरेको बीमकको संस्थागत सुशासन सम्बन्धि निर्देशिका २०७५ को दफा ३ को उपदफा (४) बमोजिम शपथ लिएका हुन् । शपथ लिएर फर्केका दुगडले गुराँस लाईफ इन्स्योरेन्समा फर्केर सोमबार नै कार्यभार सम्हालेका छन् । यही मंसिर ४ गते सम्पन्न कम्पनीको दशौं वार्षिक साधारण सभाबाट दुगड अध्यक्ष चयन भएका हुन् ।
