काठमाडौं । नेपाल इन्स्योरेन्स कम्पनीले चालु आर्थिक वर्षको प्रथम त्रैमासको वित्तीय विवरण प्रकाशन गरेको छ । कम्पनीले यस अवधिसम्ममा १९ करोड ५ लाख रुपैयाँ खुद बीमा शुल्क आर्जन गरेको छ । कूल बीमा शुल्क आर्जन ३३ करोड भन्दा बढि छ । गत आर्थिक वर्षको सोही अवधिमा कम्पनीले १५ करोड ८५ लाख रुपैयाँ खुद बीमा शुल्क आर्जन गरेको थियो । गत आर्थिक वर्षको सोही अवधिको तुलनामा कम्पनीको खुद बीमा शुल्क आर्जन २० दशमलव १५ प्रतिशतले बढी हो ।
१ अर्ब १५ करोड ३ लाख रुपैयाँ चुक्ता पूँजी रहेको कम्पनीको जगेडा कोषमा ३८ करोड ९२ लाख रुपैयाँ संचिती रहेको छ । गत आर्थिक वर्षको सोही अवधिमा कम्पनीको जगेडा कोषमा ३९ करोड ५७ लाख रुपैयाँ संचिती रहेको थियो । गत आर्थिक वर्षको सोही अवधिको तुलनामा कम्पनीको जगेडा कोष घटेको छ । कम्पनीको बीमा कोषमा ४५ करोड ५८ लाख रुपैयाँ रहेको छ ।
त्यस्तै, समिक्षा अवधिमा कम्पनीले ५ करोड ४५ लाख रुपैयाँ खुद मुनाफा आर्जन गरेको छ । गत आर्थिक वर्षको सोही अवधिमा कम्पनीले ४ करोड ९१ लाख रुपैयाँ मात्र मुनाफाआर्जन गरेको थियो । गत आर्थिक वर्षको सोही अवधिको तुलनामा कम्पनीको नाफा ११ प्रतिशतले धेरै हो ।
चालु आर्थिक वर्षको पहिलो त्रैमासमा कम्पनीले ३ करोड ५७ लाख २८ हजार रुपैयाँ खुद दाबी भुक्तानी गरेको छ । गत आर्थिक वर्षको सोही अवधिमा कम्पनीले २ करोड ७८ लाख रुपैयाँ मात्र खुद दाबी भुक्तानी गरेको थियो ।
समिक्षा अवधिमा कम्पनीले ३३ करोड ७ लाख रुपैयाँ कुल बीमा शुल्क आर्जन गरेको छ । गत आर्थिक वर्षको सोही अवधिमा कम्पनीले ३२ करोड ४४ लाख रुपैयाँ कुल बीमा शुल्क आर्जन गरेको थियो ।
प्रति शेयर आम्दानी १९ रुपैयाँ ९१ पैसा रहेको छ । प्रति शेयर नेटवर्थ १ सय ७३ रुपैयाँ ४७ पैसा रहेको छ । पिइ अनुपात २७.११ गुणा रहेको छ ।
