काठमाडौं । नेपाल इन्फ्रास्ट्रक्चर बैंक लिमिटेडको दोस्रो वार्षिक साधारण सभा आज मंसिर ३ गते हुने भएको छ । बैंकको कार्तिक २ गते, आइतबार बसेको सञ्चालक समितिको बैठकले गरेको निर्णयले उक्त सभाको मिति तय गरेको हो । उक्त सभा बैंकको रजिष्टर्ड कार्यालय बानेश्वर, काठमाडौंमा अपरान्ह ४ बजेबाट सुरु हुने जनाएको छ ।
सभामा साधारण शेयर (आइपिओ) निष्काशन गर्ने प्रस्ताव पारित हुनेछ । बैंकले यसअघिको साधारण सभामा पनि आइपीओ निष्काशन गर्ने प्रस्ताव पारित गरेको थियो । तर शेयर निष्काशन कार्यले मुर्त रूप नपाइसकेको हुनाले फेरि पारित गर्न लागिएको बैंकले जनाएको छ । बैंकले ८ अर्ब रुपैयाँ बराबरको ८ करोड कित्ता साधारण शेयर निष्कासन गर्न लागेको हो ।
सभामा बैंकको सञ्चालक समितिको तर्फबाट अध्यक्षद्वारा आर्थिक वर्ष २०७६/७७ को वार्षिक प्रतिवेदनबारे छलफल गरी पारित गरिनेछ । त्यस्तै, बैंकको २०७७ असार मसान्तको लेखापरीक्षण प्रतिवेदन, वासलात, नाफा नोक्सान हिसाब र सोहि अवधिको नगद प्रवाह विवरण लगायतका वित्तिय विवरणहरू छलफल गरी पारित गरिनेछ । सभामा आर्थिक वर्ष २०७७/७८ को लागि लेखापरीक्षक नियुक्ती गरी पारिश्रमिक पनि तोकिने एजेण्डा रहेको जनाएको छ ।
