काठमाडौं । रैराङ हाइड्रोपावर कम्पनीले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । विद्युत बिक्रीबाट हुने आम्दानी र सञ्चालन नाफा दुवैमा वृद्धि हुँदा खुद नाफामा सुधार आएको आज प्रकाशित कम्पनीको वित्तीय विवरणले देखाएको हो ।
यो त्रैमाससम्म आइपुग्दा रैराङले ५ करोड ६२ लाख रुपैयाँ आर्जन गर्न सफल भएको छ । यो गत वर्षको तुलनामा ६०५ प्रतिशतले बढी हो । अघिल्लो आर्थिक वर्षको सोहि अवधिमा कम्पनीले ७९ लाख ६८ हजार रुपैयाँ मात्र नाफा आर्जन गरेको थियो ।
त्यस्तै, कम्पनीको विद्युत बिक्रीबाट हुने आम्दानी ६५० दशमलव ३१ प्रतिशतले बढेर ९ करोड ८६ लाख रुपैयाँ पुगेको छ ।अघिल्लो वर्ष विद्युत बिक्रिबाट एक करोड ३१ लाख रुपैयाँ मात्र नाफा आर्जन गरेको थियो । रैराङको संचालन नाफा पनि ८३ लाख ६९ हजार रुपैयाँबाट बढेर ९ करोड ९ करोड ३० लाख रुपैयाँ पुगेको छ ।
कम्पनीको हालको चुक्ता पुँजी ५६ करोड रुपैयाँ रहेको छ भने रिजर्भ कोषमा ६ करोड ८७ लाख रुपैयाँ रहेको छ ।
प्रतिशेयर आम्दानी ३० रुपैयाँ २२ पैसा (वार्षिक) रहेको कम्पनीको प्रतिसेयर नेटवर्थ १ सय १२ रुपैयाँ २८ पैसा छ ।
