काठमाडौं । आज साताको अन्तिम दिन नेपाली बजारमा सुनको मूल्य बढेको छ । आज शुक्रबार सुनको मूल्य तोलामा ५ सय रुपैयाँले बढेर प्रतितोला ९५ हजार २ सय रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
यस्तै, शुक्रबार तेजावी सुनको मूल्य पनि तोलाको ५ सय रुपैयाँले नै बढेर प्रतितोला ९४ हजार ७ सय रुपैयाँ कायम भएको छ ।
त्यसैगरी, शुक्रबार चाँदीको मूल्य भने स्थिर रहेको छ । शुक्रबार पनि चाँदी प्रतितोला एक हजार २ सय २० रूपैयाँ नै कायम रहेको महासंघले बताएको छ ।
