काठमाडौं । वोमी लघुवित्त वित्तीय संस्थाले चालु आर्थिक वर्षको पहिलो त्रैमासको वित्तयि विवरण प्रकाशन गरेको संस्थाले यस अवधिसम्म १ करोड ६६ लाख रुपैयाँ नाफा कमाएको छ । गत आर्थिक वर्षको वर्षको सोही अवधिको भन्दा ९ दशमलव ४७ प्रतिशतले थोरै हो । गत आर्थिक वर्षको सोही अवधिमा संस्थाले १ करोड ८३ लाख रुपैयाँ नाफा कमाएको थियो ।
हाल यसको चुक्ता पुँजी २७ करोड ७८ लाख रुपैयाँ रहेको छ भने रिजर्भ कोषमा १९ करोड ८९ लाख रुपैयाँ छ ।
कम्पनीको खुद ब्याज आम्दानी भने ७ दशमलव ४७ प्रतिशतले बढेर ४ करोड ६३ लाख पुगेको छ । गत आर्थिक वर्षको सोही अवधिमा संस्थाले ४ करोड ३१ लाख रुपैयाँ खुद ब्याज आम्दानी गरेको थियो ।
कम्पनीको सञ्चालन नाफा २ करोड ९२ लाख रुपैयाँबाट घटेर २ करोड ६४ लाख रुपैयाँमा सीमित भएको छ ।
असोजसम्म ९३ करोड ६ लाख २४ हजार रुपैयाँ निक्षेप संकलन गरी २ अर्ब ४५ करोड रुपैयाँ कर्जा लगानी गरेको छ । गत आर्थिक वर्षको सोही अवधिमा संस्थाले ६७ करोड ६१ लाख रुपैयाँ निक्षेप संकलन गरेर २ अर्ब ३ करोड कर्जा लगानी गरेको थियो ।
प्रतिसेयर आम्दानी २३ रुपैयाँ ९८ पैसा रहेको वोमीको प्रतिसेयर नेटवर्थ १ सय ७१ रुपैयाँ ५९ पैसा छ ।
