काठमाडौं । यस वर्षको तिहारमा बैंक तथा वित्तीय संस्थाका देशैभरिका शाखा कार्यालयहरु नखुल्ने भएका छन् । नेपाल बैंकर्स संघले तिहार बिदामा बैंकका शाखा कार्यालयहरु बन्द हुने जनाएको छ । संघका अनुसार आगामी शुक्रबार तिहारअघि अन्तिम कारोबार हुनेछ ।
कोभिड–१९ का कारण बैंकका कर्मचारीहरु संक्रमित भएका कारण तिहार बिदाको भएका बैंकहरु मंसिर २ गते मात्रै खुल्ला हुने जनाएको छ । शनिबार, आइतबार र सोमबार तीन दिन बैंकहरु पूर्ण रुपमा बन्द हुनेछन् । बैंकहरुले अत्यावश्यक काम पर्ने सेवाग्राहीहरुले सो समय अगावै कारोबार गर्न आग्रह गरेको छ ।
विगतका वर्षहरुमा तिहारमा भाइटीकाको दिनमा समेत बैंक खोलेर सेवा दिएका बैंकहरुले यस पटक भने कोरोना भाइरसको कारण त्यस्तो सेवा दिन नसक्ने जनाउँदै पूर्व तयारी गर्न भनेका छन् । संघले डिजिटल बैंकिङ सेवा भने सुचारु हुने जनाउँदै दक्षिणा समेत डिजिटल माध्यमबाट गर्न भनेको छ ।
