काठमाडौं । घोडीघोडा लघुवित्तले पहिलो त्रैमासको वित्तीय विवरण सार्वजनिक गरेको छ ।लघुवित्तले चालू आर्थिक बर्षको पहिलो त्रैमासमा पाँच लाख ५८ हजार नाफा आर्जन गर्न सफल भएको छ ।गत आर्थिक बर्षकोे पहिलो त्रैमासमा कम्पनीले २४ लाख ८७ हजार रुपैयाँ नोक्सानी व्यहानु परेको थियो ।
पहिलो त्रैमासमको अवधिमा कम्पनीले ७ लाख ४० हजार खराब कर्जा उठाएकाले र खुद ब्याज आम्दानीमा पनि वृद्धि गरेकाले नाफा बढेको हो ।लघुवित्तको हालको चुक्तापूँजी २ करोड ७६ रुपैयाँ रहेको छ भने जगेडा कोषमा १५ हजार रुपैयाँ संचित रहेको छ ।
गत आर्थिक बर्षको तुलनामा लघुवित्तको निष्क्रिय कर्जा बढेको छ । गत आवको पहिलो त्रैमासमा निष्क्रिय कर्जा १ दशमलव ६६ प्रतिशत रहेकोमा चालू आवको सोही अवधिमा ३ दशमलव ६८ प्रतिशत पुगेको हो ।
घोडीघोडा लघुवित्त र युनिक लघुवित्त एक आपसमा मर्जरमा जाने सम्झौता भएसँगै घोडीघोडी लघुवित्तको शेयर कारोबार आजदेखि रोक्का भएको छ ।
