नेपाल स्टक एक्सचेञ्ज(नेप्से) मा सारथी नेपाल लघुवित्त वित्तीय संस्थाको शेयर सूचीकृत भएको छ साविक नयाँ नेपाल लघुवित्त र सारथी लघुवित्त वित्तीय संस्थासँग मर्ज भएपछि कायम भएको सारथी नेपाल लघुवित्तको शेयर सूचीकृत भएको हो ।
यी दुई कम्पनी १ : १ अनुपातमा एक आपसमा गाभिएपछि कायम भएको २३ लाख ५३ हजार ८२१ कित्ता शेयर सारथी नेपाल लघुवित्तको नामबाट सूचीकृत भएको कम्पनीले सूचना मार्फत जनाएको छ ।
साथै मर्जर प्रक्रियाका लागि रोकिएको नयाँ नेपाल लघुवित्त वित्तीय संस्थाको शेयर कारोबार पनि नेप्सेले फुकुवा गरेको छ । लघुवित्तको अब यसै कारोबार सिम्बोलमा सोमबारदेखि नेप्सेमा कारोबार हुनेछ । यी दुई कम्पनीले गत असोज ५ गतेदेखि एकीकृत कारोबार शुरु गरेका थिए ।
