काठमाडौं । सामुदायिक लघुवित्तले चालु आर्थिक वर्ष २०७७÷७८ को पहिलो त्रैमासको वित्तीय विवरण सार्वजनिक गरेको छ । पहिलो त्रैमासको वित्तीय विवरण अनुसार कम्पनीको नाफा घटेको छ ।
चालु आ.व पहिलो त्रैमासमा संस्थाले ११ लाख २० हजार रुपैयाँ मात्र खुद नाफा आर्जन गरेको छ । उक्त नाफा रकम गत वर्षको सोही अवधिमा ५४ लाख ८३ हजार रुपैयाँले थोरै हो ।
गत आर्थिक वर्षको यसै अवधिमा संस्थाले ६६ लाख ३ हजार रुपैयाँ खुद नाफा आर्जन गरेको थियो । वित्तीय विवरण अनुसार यस अवधिमा संस्थाले २ करोड ७८ लाख ९५ हजार रुपैयाँ खुद व्याज आम्दानी गरेको छ गत आर्थिक वर्षको सोहि अवधिमा संस्थाको खुद व्याज आम्दानी दुई करोड ११ लाख ५० हजार रुपैयाँ रहेको थियो ।
यस अवधिमा लघुवित्तको चुक्ता पूँजी १३ करोड २० लाख रुपैयाँ रहेको छ भने जगेडा कोषमा पाँच करोड ७२ लाख रुपैयाँ रहेको छ ।
लघुवित्तको प्रतिशेयर आम्दानी ३ रुपैयाँ ४० पैसा र प्रतिशेयर नेटवर्थ १ सय ४३ रुपैयाँ ३६ पैसा रहेको छ ।
