काठमाडौं । नेपालमा पहिलो पटक कोरोना भाइरस संक्रमणबाट नर्स र अस्प्ताल सञ्चालकको मृत्यु भएको छ ।
७० बर्षिय नर्स विद्या जोशीको कोरोनाबाट मृत्यु भएको नेपाल नर्सिङ संघले जनाएको छ । जोशी कोरोनाबाट मृत्यु हुने पहिलो नर्स हुन् । राजधानीको ललितपुरस्थित पाटन अस्पतालमा उपचार गराइरहेकी जोशीको गत शुक्रबार मृत्यु भएको संघले जनाएको छ । उनी लामो समय बीर अस्पतालमा गरेकी थिईन् ।
यसैबीच, कोरोना भाइरस संक्रमणबाट मोरङमा अस्पताल सञ्चालकको मृत्यु भएको छ । मोरङ जिल्लाको पथरी शनिश्चरे नगरपालिका–१ रहेको मोरङ हस्पिटलका सञ्चालक ५३ वर्षीय रामकाजी थापाको मृत्यु भएको प्रदेश १ स्वास्थ्य निर्देशनालयले जनाएको छ । उनी अस्पतालमै एक्सरे सम्बन्धी काम गर्दै आएका थिए । सञ्चालक समेत रहेका थापाको आज विहान मृत्यु भएको हो ।
पछिल्लो पटक कोरोना भाइरसको संक्रमण नेपालमा फैलने क्रममा छ । नेपाल हालसम्म एक लाख ३२ हजार २४६ जनामा कोरोना भाइरसको संक्रमण पुष्टि भइसकेको छ । नेपालमा हालसम्म कोरोना भाइरसबाट ७३९ जनाको मृत्यु भइसकेको छ ।
