काठमाडौं । मेगा बैंक नेपाल लिमिटेडले असोज ११ गते, आइतबारदेखि असोज १८ गते, आइतबारसम्म लिलाम बढाबढ गरी बिक्री खुल्ला गरेको शेयरमा परेका बोलपत्रहरू आज खोलिँदैछ ।
उक्त बोलपत्रहरू बिहान १० बजे बिक्री प्रबन्धक मेगा क्यापिटल मार्केट्स लिमिटेड, त्रिपुरेश्वर, काठमाडौंमा खोलिनेछ । कोरोना भाइरस कोभिड १९ को संक्रमण हुने जोखिमका कारण आवेदकलाई सहभागी गराइ शिलबन्दी बोलपत्र खोल्न असम्भव देखिएकाले सिमित व्यक्तिको माझमा फेसबुक लाइभ मार्फत बोलपत्र खोलिने जनाएको छ ।
बैंकले संस्थापक समूहको ११ लाख ३३ हजार ३ सय ४४ दशमलव ७० कित्ता र सर्वसाधारण समूहको ७ लाख ७ हजार ३९४ दशमलव ६३ कित्ता शेयर लिलाम बढाबढ गरी बिक्री खुल्ला गरेको थियो ।
