काठमाडौं । नेपाल फाइनान्स कम्पनी लिमिटेडले हकप्रद शेयर निष्काशन गर्ने प्रयोजनार्थका लागि बुकक्लोज मिति तय गरेको छ । फाइनान्सले हकप्रद शेयर निष्काशन गर्ने प्रयोजनका लागि कात्तिक ६ गते एक दिनका लागि बुक क्लोज गर्ने निर्णय गरेको हो । त्यसैले, कात्तिक ५ गतेसम्म नेप्सेमा कारोबार भई कायम शेयरधनीहरुले मात्र उक्त हकप्रद शेयरमा आवेदन दिन सक्नेछन् ।
फाइनान्सले १ बराबर १ दशमलव २५ को अनुपातमा १६ लाख ९७ हजार ५ सय ६ दशमलव २५ कित्ता हकप्रद शेयर निष्काशन गर्न २०७६ साल फागुन २९ गते सेबोनमा निवेदन पेश गरेकोमा बोर्डबाट असोज १९ गते, सोमबार अनुमति पाएको छ ।
हकप्रद शेयरमा निष्काशन तथा बिक्री प्रबन्धकमा प्रभु क्यापिटल लिमिटेड रहेको छ ।
