काठमाडौं । आज नेप्से सामान्य अंकले बढेको छ । आज नेप्से १ दशमलव ७४ अंकले बढेर १,५७८ दशमलव ०१ को विन्दुमा कायम भएको छ ।बैंकिङ्, टे«डिङ, होटल, विकास बैंक र माईक्रोफाइनान्स बाहेक अन्य क्षेत्रको उपसुचक घटेका छन् ।
दिनभरिमा १ सय ८९ कम्पनीको ६८ लाख १५ हजार ७ सय १० कित्ता शेयर किनबेच हुँदा १ अर्ब ९४ करोड रुपैयाँभन्दा बढीको कारोबार भएको छ ।आज सबैभन्दा धेरै मुक्तिनाथ विकास बैंकको १६ करोड ५० लाख रुपैयाँको कारोबार भएको छ । अरुण भ्याली हाईड्रोपावरको ७ करोड ७१ लाख रुपैयाँ बराबरको कारोबार भएको छ ।
आज सबैभन्दा धेरै मुक्तिनाथ विकास बैंकका लगानीकर्ताले ९ दशमलव ८५ प्रतिशतका दरले कमाएका छन् । त्यस्तै, कर्पोरेट डेभलपमेन्ट बैंकका लगानीकर्ताले ५ प्रतिशतका दरले कमाएका छन् ।
आज सबैभन्दा धेरै सबैको लघुवित्तका लगानीकर्ताले ६ दशमलव ५ प्रतिशतका दरले गुमाएका छन् भने रिदि हाईड्रोपावरका लगानीकर्ताले ५ दशमलव ८३ प्रतिशतका दरले गुमाएका छन् ।
