काठमाडौं । फोर्स मोटर्सको गाडी किन्दा माछापुच्छ्रे बैंकले कर्जा दिने भएको छ । बैंक र फोर्स मोटर्सका लागि नेपालको आधिकारिक बिक्रेता हिमालय अर्गनाइजेसन अन्तर्गतको आयाम इन्टरकन्टिनेन्टलबीच सम्झौता भएको हो ।
सम्झौतामा कम्पनीका अध्यक्ष ध्रुव बहादुर थापा र बैंकका गण्डकी प्रदेश प्रमुख दीनेश दवाडीले हस्ताक्षर गरेका छन् । सम्झौता अनुसार फोर्सको गाडी किन्दा बैंकले मूल्यको ७५ प्रतिशतसम्म कर्जा उपलब्ध गर्ने छ ।
कम्पनीले विगत ६ वर्षदेखि नेपालमाफोर्स मोटर्सका गाडीहरु बिक्रीवितरण गरिरहेको छ । काठमाडौं, हेटौंडा, पोखरा र इटहरिमा आयामको आफ्नै शोरुम छन् भने नेपालका विभिन्न शहरमा डिलर नेटवर्क विस्तार गरी फोर्सका गाडी बिक्री वितरण भइरहेको छ ।
