काठमाडौं । सामलिङ्ग पावर कम्पनीले साधारण शेयर (आइपिओ) निष्कासन गर्ने भएको छ । कम्पनीले प्रति शेयर १ सय रूपैयाँ अंकित दरको १२ करोड ३० लाख रूपैयाँ बराबरको १२ लाख ३० हजार कित्ता साधारण शेयरको निष्काशन गर्न लागेको हो ।
कम्पनीले आइपीओ बिक्रि प्रबन्धकको जिम्मेवारी नेपाल एसबिआई मर्चेण्ट बैकिङ्गलाई दिएको छ । साथै, नेपाल एसबिआई मर्चेण्ट बैकिङ्गलाई कम्पनीको शेयर रजिष्ट्रारमा नियुक्त गर्ने सम्झौता भएको छ ।
उक्त सम्झौता पत्रमा नेपाल एसबिआई मर्चेण्ट बैंकिङ्गका तर्फबाट प्रबन्ध संचालक तथा प्रमुख कार्यकारी अधिकृत रोशनी भारती र सामलिङ्ग पावर कम्पनी लिमिटेडको तर्फबाट प्रमुख कार्यकारी अधिकृत भानुभक्त पोखरेलले हस्ताक्षर गरेका हुन् ।
