काठमाडौं । स्मार्ट च्वाइस टेक्नोलोजीको नाममा रहेको नेपाल क्लियरिङ हाउस लिमिटेडको संस्थापक समूहको शेयर लिलाम बढाबढ गरी बिक्री गर्ने भएको छ । कम्पनीको २ लाख ९८ हजार ८० कित्ता संस्थापक शेयर लिलामी मार्फत विक्री गर्न लागेको हो ।
उक्त शेयरमा साविकका संस्थापक शेयरधनी वा नेपाल राष्ट्र बैंक बाट इजाजत प्राप्त बैंक तथा वित्तीय संस्था वा सरकारी स्वामित्व रहेका विशेष ऐनद्वारा स्थापित संस्थाले आवेदन दिन सक्नेछन् ।
लगानीकर्ताले असोज २० गते मंगलबारदेखि असोज २४ गते शनिबारसम्म बोलपत्र पेश गर्नुपर्नेछ । उक्त शेयरको न्यूनतम मूल्य प्रतिशेयर ३ सय ५० रूपैयाँ तोकिएको छ । लगानीकर्ताले सो वा सो भन्दा बढी मूल्य अंकित गरी बोलपत्र पेश गर्नुपर्नेछ ।
लगानीकर्ताले न्युनतम ५० हजार कित्ता र अधिकतम सबै कित्ताको लागि आवेदन दिन सक्नेछन् । कम्पनीको निष्कासन तथा बिक्री प्रबन्धक मुक्तिनाथ क्यापिटल लिमिटेड रहेको छ ।
लगानीकर्ताहरुले मुक्तिनाथ क्यापिटल लिमिटेड, हात्तिसारमार्ग, कमलादी, काठमाडौंमा आइपुग्ने गरी आवेदन दिन सक्ने कम्पनीले जनाएको छ ।