काठमाडौं । नेपाल स्टक एक्सचेञ्ज (नेप्से)ले सूचीकृत कम्पनीलाई वार्षिक नबिकरण शुल्क बुझाउन आग्रह गरेको छ । कम्पनीले मंगलबार एक सूचना जारी गर्दै यस्तो जानकारी दिएको हो ।
नेप्सेल धितोपत्र सुचिकरण विनियामावली २०७५ को अनुसूचीमा भएको व्यवस्था अनुसारे आर्थिक बर्ष २०७७/७८ को धितोपत्र वापतको बार्षिक नबिकरण शुल्क बुझाउन अनुरोध गरेको हो । कम्पनीहरुलाई असोज मसान्तसम्ममा वार्षिक नबिकरण शुल्क बुझाउन कम्पनीहरुलाई आग्रह गरेको हो ।
नेप्सेले ५० करोड रुपैयाँसम्म चुक्तापूँजी भएका कम्पनीले वार्षिक नबिकरण शुल्क बापत ५० हजार रुपैयाँ र ५० करोड रुपैयाँभन्दा माथिका कम्पनीले एक लाख बुझाउनु पर्नेछ ।
त्यसैगरी, डिबेञ्चर म्युचुअल फण्डको चुक्ता पूँजी ५० करोड रुपैयाँले भएकाले २५ हजार रुपैयाँ र ५० करोड रुपैयाँभन्दा माथि भएकाले ५० हजार रुपैयाँ वार्षिक नबिकरण शुल्क बुझाउनुपर्नेछ । नेप्सेले सम्पूर्ण सूचीकृत कम्पनीहरुले नविकरण शुल्क बापतको रकम ग्लोबाल आइएमई बैंकको ७५०१०१००००७७५ खातामा नम्बरमा पठाउन आग्रह गरेको छ ।
