काठमाडौं । नेपाल राष्ट्र बैंकले ३ अर्ब १० करोड रूपैयाँ बराबरको ट्रेजरी बिल बिक्री गर्ने भएको छ । बैंकले ९१ दिन र १८२ दिनको अवधिको लागि उक्त रकम बराबरको ट्रेजरी बिल बिक्री गर्न लागेको जनाएको छ ।
ट्रेजरी बिल आज सोमबार ३ बजे बोलकबोल भएर भोलि मंगलबार बिक्री हुने जनाएको छ ।
बैंकले ९१ दिनको अवधिको १० करोड रूपैयाँ बराबरको ट्रेजरी बिल बिक्री गर्नेछ । बोलकबोल प्रक्रियाका माध्यमबाट जारी गर्न लागिएको उक्त ट्रेजरी बिल २०७७ साल पुस १४ गते परिपक्क हुनेछ ।
यस्तै, बैंकले १८२ दिनको अवधिका लागि ३ अर्ब रूपैयाँ बराबरको ट्रेजरी बिल बिक्री गर्नेछ । उक्त ट्रेजरी बिल २०७७ साल चैत्र १७ गते परिपक्क हुने बैंकले बताएको छ ।
