काठमाडौं । साताको तेस्रो दिन नेप्से २२ दशमलव ९१ अंकले घटेर १५४६ दशमलव १५ को विन्दुमा कायम भएको छ । आज १ सय ९९ कम्पनीको ७८ लाख ५० हजार ६५ कित्ता शेयर किनबेच हुँदा २ अर्ब ८१ करोड रुपैयाँको कारोबार भएको छ।
आज सबै उपसूचक राताम्मे भएको छ । सबैभन्दा धेरै शिखर इन्स्योरेन्सको ३१ करोड ९४ लाख रुपैयाँ बराबरको कारोबार भएको छ । त्यस्तै, नेपाल बैंकको १९ करोड ११ लाख रुपैयाँको कारोबार भएको छ।
युनाईटेड फाइनान्सका लगानीकर्ताले ६ दशमलव ८२ प्रतिशतका दरले कमाएका छन् भने वरुण हाईड्रोपावरका लगानीकर्ताले ४ दशमलव ६५ प्रतिशतको दरले कमाएका छन् ।
त्यस्तै, लिबर्टी इनर्जीका लगानीकर्ताले ९ दशमलव ८८ प्रतिशतका दरले गुमाएका छन् भने घलेम्दी हाईड्रोपावरका लगानीकर्ताले ९ दशमलव ४७ प्रतिशतका दरले गुमाएका छन् ।
