काठमाडौँ । प्रुडेन्सियल इन्स्योरेन्स कम्पनी लिमिटेडको १८औँ साधारण सभा हुने स्थान परिवर्तन भएको छ । यसअघि कम्पनीको रजिष्टर्ड कार्यालय, विरगञ्ज, पर्सामा गर्ने भनिएकोमा अब होटल ईच्छा प्राइभेट लिमिटेड, सिमरा बारामा गरिने कम्पनीले एक सुचना जारी गर्दै जानकारी दिएको छ ।
कम्पनीको भाद्र २ गते मंगलबार बसेको सञ्चालक समितिको बैठकले गरेको निर्णय अनुसार यस कम्पनीको वार्षिक साधारण सभा भाद्र २६ गते शुक्रबार गर्ने भएको हो ।
कम्पनीले आर्थिक वर्ष २०७५/७६ को मुनाफाबाट लगानीकर्तालाई लाभांश भने वितरण नगर्ने भएको छ । कम्पनीले बीमा समितिको प्रावधान अनुसार एनएफआरएस अन्तर्गतको वित्तीय विवरण तयार पार्दा जगेडा कोष तथा अन्य व्यवस्थाहरु कायम गर्नुपर्ने भएकाले लगानीकर्तालाई लाभांश वितरण प्रस्ताव गर्न नसकिएको जनाएको छ ।
उक्त सभामा कम्पनीले विशेष प्रस्ताव मार्फत संस्थापक शेयरधनीहरुको समूहमा ८० प्रतिशतको शेयर स्वामित्व र सर्वसाधारण समूहमा २० प्रतिशतको शेयर स्वामित्व रहेकोमा संस्थापक समूह ८० प्रतिशतबाट घटाई ६० प्रतिशत पुराउने र सर्वासाधारण समूहमा २० प्रतिशतबाट बढाई ४० प्रतिशतमा परिणत गर्ने भएको छ ।
कम्पनीले सभा प्रयोजनको लागि कम्पनीले भदौ १२ गतेदेखि २६ गतेसम्म बुक क्लोज गरेको छ । भदौ ११ गतेसम्म कायम सेयरधनीले सभामा भाग लिन सक्नेछन् ।
