काठमाडौं । नागरिक लगानी कोषले हकप्रद शेयर बिक्रि गर्न नेपाल धितोपत्र बोर्डसँग अनुमति मागेको छ । कम्पनीले सोमबार हकप्रद निष्काशनको अनुमति माग्दै बोर्डमा आवेदन दिएको हो ।
कोषले १ कित्ता शेयर बराबर शुन्य दशमलब ८२८४ (१ः०.८२८४) का दरले साबिकका शेयरधनीलाई हकप्रद शेयर जारी गर्न लागेको हो । बोर्डबाट अनुमति पाएपछि कोषले एक अर्ब ३५ करोड ९२ लाख ५९ हजार २ सय बराबरको १ करोड ३५ लाख ९२ हजार ५ सय ९२ कित्ता हकप्रद शेयर निष्काशन गर्ने छ ।
कम्पनीले हकप्रद निष्काशनको लागि आरविवि मर्चेण्ट बैकिङ्ग लाई बिक्रि प्रबन्धक चयन गरेको छ ।
