काठमाडौं । एशियन लाइफ इन्स्योरेन्स कम्पनीले व्यतित बीमालेख नविकरण गर्दा व्याज छुट दिने भएको छ । कम्पनीले साउन मसान्तससम्म बीमाशुल्क भुक्तानी गनुपर्ने मितिले ६ महिना ननाघेको बीमालेखहरुलाई भदौ २१ देखि कात्तिक ४ गतेसम्म पुनर्जागरण गराउने बीमितहरुलाई लाग्ने ब्याजमा छुट गरिएको जनाएको छ ।
कम्पनीबाट जारी भएका र विभिन्न कारणले बीमाशुल्क तिर्न बाँकी भई म्याद नाघेका व्यतित बीमालेख पूर्नजागरण गर्दा छुट दिने जनाएको छ ।कम्पनीले भुक्तानी नभएका बीमाशुल्क किस्ताहरु मध्ये पहिलो किस्ताको मितिले ३ बर्ष भित्र व्यत्तित भएको बीमालेखको हकमा ७५ प्रतिशतसम्म ब्याज छुट दिने र ३ बर्षभन्दा बढी व्यतित भएको बीमालेखको हकमा ५० प्रतिशतसम्म छुट दिने जनाएको छ ।
