काठमाडौं । केही दिनदेखि अबरुद्ध मेरो शेयरको पोर्टफोलियो सेवा सुचारु भएको छ । मेरो शेयरले आजदेखि पोर्टफोलियो सेवा सुचारु भएको जनाएको छ । उक्त सेवा बन्द हुँदा शेयर लगानीकर्ताहरुले आफ्नो पोर्टफोलियो हेर्न पाएका थिएनन् ।
सीडीएससीको व्यवस्थापनमा सञ्चालित मेरो शेयर नामक नामक शेयर लगानी सम्बन्धी सफ्टवयेर भित्र ‘माई पोर्टफोलियो’ हेर्ने सुविधा गत बुधबार अपरान्हदेखि अवरुद्ध भएको थियो ।
शुक्रबारदेखि उक्त सेवा सुरु गरिएको मेरो शेयरले जनाएको छ । नेप्सेको सर्भरबाट अध्यावधिक सूचना प्राप्त हुन नसकेपछि सिडिएससीले उक्त सुविधा तत्कालका लागि स्थगित गरेको थियो । शुक्रबार अपरान्हदेखि सबै व्यवस्थापन मिलाएर माई पोर्टफोलियो सेवा सुचारु गरिएको सिडिएससीले जनाएको छ ।
