काठमाडौं । कोरोना संक्रमण बढ्दै गईरहेको बेला सरकारले ५० प्रतिशत अनुदान दिने व्यवस्था गरेको कोरोना बीमा गाउँ–गाउँमा अभियानमा रुपमा सञ्चालन हुन थालेको छ ।
पाँचखाल नगरपालिका वडा नं पाँचले ५० प्रतिशत छुट गराउँदै स्थानीयबासीको कोरोना बीमा गराउने अभियान सुरु गरेको छ । कोरोना बीमाको बिषम परिस्थतीमा वडाका बासिन्दाको स्वास्थ्य सुरक्षामा चासो राख्दै ती वडाले हाल कोरोना बिमाका लागि सिफारिस दिन थालेका छन् ।
हाल नगरका २, ३, ४, ५ र ९ नम्बर वडाले ५० प्रतिशत प्रिमियम छुट दिई अजोड इन्स्योरेन्समा कोरोना बीमा गर्ने अभियान नै चलाइएको छ । सम्बन्धित वडा कार्यालयहरुले नै कोरोना बीमाको प्रचारमा जुटेको स्थानीयबासीले जनाएका छन् । एक लाख रुपैयाँको कोरोना बीमा गर्दा बिमाङ्क रकमको लागि ६ सय रुपैयाँ प्रिमियम तिर्नुपर्छ तर वडा कार्यालयको सिफारिसमा ५० प्रतिशत छुट अर्थात् ३ सय रुपैयाँ प्रिमियम तिरेपछि स्थानीयवासीको कोरोना बीमा हुने भन्दै वडाले सार्वजनिक अभियान सुरु गरेको छ ।
बीमा कम्पनी अजोड इन्स्योरेन्सले हाल पाँचखालका पाँच वडाका बासिन्दाको ५० प्रतिशत प्रिमियम छुटमा कोरोना बीमा गराउन सुरु गरेको जनाएको छ । अजोड इन्स्योरेन्सको बनेपा शाखाको संयोजनमा गाउँ गाउँमा बीमा अभियान चलाइएको सो कम्पनीले जनाएको छ । बीमा कम्पनीको नियमानुसार कोरोना बीमाअन्तर्गत पिसीआर परीक्षणबाट कोरोना सङ्क्रमण पुष्टि भएपछि एक लाख रूपैयाँ बीमा रकम प्राप्त गर्नेछन् ।
