काठमाडौं । बैंक अफ काठमाण्डूले लिलामी शेयर खरीदका लागि आवेदन फराम विक्री र बुझ्ने कार्य निषेधाज्ञाका कारण स्थगित गरेको छ ।कम्पनीले भदौ १५ गतेसम्म लिलामी शेयरमा आवेदन गर्ने समय थप गरेकोमा निषेधाज्ञा जारी रहेकाले लिलामी शेयरको आवेदन फारम विक्री गर्न कार्य स्थगित गरेको जनाएको छ ।
कम्पनीले तीन लाख १६ हजार १५६ कित्ता संस्थापक शेयर भदौ १ गते देखि ८ गतेसम्म विक्री खुल्ला गर्ने भनिएकोमा कोरोना महामारीका कारण अत्यावश्यक सेवा बाहेकका सबै सेवा संचालनमा रोक लगाएको कारणले लिलामी शेयरमा आवेदन दिने अवधि थप गरेको थियो । कम्पनीको बिक्रि प्रबन्धमा एनएमबि क्यापिटल रहेको छ ।
