काठमाडौं । नेपालमा कोरोना संक्रमण दिनप्रतिदिन बढ्ने क्रम जारी छ । आज मंगलबार उपत्यकाका तीन जिल्लामा २३२ जनामा पुष्टि भएको छ । यससंगै उपत्यकामा कोरोना संक्रमितको जम्मा संख्या ३७ सय १८ जना पुगेको छ ।
पछिल्लो २४ घण्टामा उपत्यकाका विभिन्न अस्पतालमा गरीएको स्वाब परीक्षणमा काठमाडौँका १९९ जना, ललितपुरका १९ र भक्तपुरका १४ जनामा कोरोना देखिएको स्वास्थ्य तथा जनसंख्या मन्त्रालयले जानकारी दिएको छ । पछिल्लो समय उपत्यकामा कोरोना सक्रमित बढ्दै गएका छन् ।
स्वास्थ्य तथा जनसंख्या मन्त्रालयका अनुसार आज देशभर थप ८५५ जनामा कोरोना भाइरसको संक्रमण पुष्टि भएको छ ।
