काठमाडौं । साताको दोस्रो दिन नेप्से २१ दशमलव २६ अंकले बढेर १४३१ दशमलव ६० को विन्दुमा कायम भएको छ । आज १ सय ८२ कम्पनीको ४९ लाख २४ हजार २ सय ८९ कित्ता शेयर किनबेच हुँदा २ अर्ब १३ करोड रुपैयाँको कारोबार भएको छ ।
होटल बाहेक अन्य सबै क्षेत्रको उपसूचकमा हरीयाली छाएको छ । सबैभन्दा धेरै नेपाल रि इन्योरेन्सको २० करोड १३ लाख रुपैयाँ बराबरको कारोबार भएको छ । त्यस्तै, नेको इन्स्योरेन्सको १० करोड ९७ लाख रुपैयाँको कारोबार भएको छ ।
कर्पोरेट डेभलपमेन्ट बैंकका लगानीतकर्ताले ६ दशमलव ९० प्रतिशतका दरले कमाएका छन् भने खानीखोला हाईड्रोपावरका लगानीकर्ताले ६ दशमलव २५ प्रतिशतका दरले कमाएका छन् ।
छ्याङ्दी हाईड्रोपावरका लगानीकर्ताका लगानीकर्ताले २ दशमलव २५ प्रतिशतका दरले गुमाएको छ भने श्री इन्भेष्टमेन्ट फाइनान्सका लगानीकर्ताले १ दशमलव ९७ प्रतिशतका दरले गुमाएका छन् ।
