काठमाडौं । नेपाल राष्ट्र बैंकले क्रिष्टल फाइनान्सको इजाजतपत्र (लाइसेन्स) खारेज गरेको छ । राष्ट्र बैंकले २०५८ फागुनमा दिएको लाइसेन्स एक सूचना जारी गर्दै खारेज गरिएको जानकारी दिएको हो । यस फाइनान्सलाई राष्ट्र बैंकले २०६९ सालमै समस्याग्रस्त घोषणा गरेको थियो ।
२०६९ साल समस्याग्रस्त भएको कम्पनीको अवस्था सुदृढ हुननसकेपछि २०७१ बाट खारेजीको प्रक्रिया सुरु भएको थियो। सञ्चालक तथा व्यवस्थापनको मिलेमतोमा वित्तीय घोटाला भएको , कर्जा दुरुपयोग भएपछि राष्ट्र बैंकले कम्पनीलाई समस्याग्रस्त घोषणा गरेको थियो ।
