काठमाडौं । प्रुडेिन्सयल इन्स्योरेन्स कम्पनीले आर्थिक वर्ष २०७५/७६ मुनाफाबाट लाभांश नदिने निर्णय गरेको छ । कम्पनीको भदौ २ गते बसेको संचालक समितिकोे बैठकले सो निर्णय गरेको हो ।
सोही बैठकले कम्पनीको १८ औ बार्षिक साधारणसभा यही भदौ २६ गते विरगंजमा डाकेको छ । उक्त सभा कम्पनीको रजिष्टर्ड कार्यालय वीरगंज, पर्सामा बिहान ११ बजे सुरु हुने भएको छ ।
अघिल्लो आर्थिक वर्ष २०७५/७६ को नाफाबाट शेयरधनीहरुलाई लाभांश नदिने प्रस्ताव साधारणसभामा पेश गर्ने निर्णय गरेको जानकारी आज नेप्सेलाई दिएको छ । कम्पनीले बीमा समितिको वित्तीय विवरण सम्बन्धी निर्देशिका अनुसार एनएफआरएस अन्तर्गतको वित्तीय विवरण तयार पार्दा जगेडा कोष तथा अन्य व्यवस्थाहरु कायम गर्नुपर्ने भएकाले लगानीकर्तालाई लाभांश वितरण प्रस्ताव गर्न नसकिएको जनाएको छ ।
सभा प्रयोजनको लागि कम्पनीले भदौ १२ गतेदेखि २६ गतेसम्म बुक क्लोज गर्दैछ । भदौ ११ गतेसम्म मात्र कायम रहेका शेयरधनीले मात्र सभामा भाग लिन सक्नेछन् ।
