काठमान्डौ । संचालनमा आएका १० नयाँ जीवन बीमा कम्पनीले आर्थिक वर्ष ७६/७७ को चौथो त्रैमासको वित्तिय विवरण सार्वजनिक गरेको छन् । १० नयाँ जीवन बीमा कम्पनी मध्ये आर्थिक वर्ष ७६/७७मा दुई बीमा कम्पनीले बाहेक सबैले १ अर्ब माथि खुद बीमा शुल्क आर्जन गर्न सफल भएका छन् ।
१० नयाँ जीवन बीमा कम्पनी मध्ये युनियन लाईफ इन्स्योरेन्सले आर्थिक वर्ष ७६/७७मा ४ अर्ब ५० करोड खुद बीमा शुल्क आर्जन गरेको छ भने दोश्रोमा सिटिजन लाइफले १ अर्ब ९३ करोड खुद बीमा शुल्क आर्जन गरेको छ । पहिलो र दोश्रो कम्पनी बीच निकै ठूलो दुरी रहेको छ । त्यस्तै तेश्रोमा ज्योति लाइफले १ अर्ब ७८ करोड खुद बीमा शुल्क आर्जन गरेको छ ।
सबै भन्दा थोरै खुद बीमा शुल्क आर्जन गर्ने कम्पनीमा सानिमा लाईफ इन्स्योरेन्स रहेको छ । सानिमा लाईफ इन्स्योरेन्सले ८३ करोड मात्र खुद बीमा शुल्क आर्जन गरेको छ भने महालक्ष्मी लाईफ इन्स्योरेन्सले ८६ करोड खुद बीमा शुल्क आर्जन गरेको छ ।
१० नयाँ जीवन बीमा कम्पनीले आर्थिक वर्ष ७६/७७ मा १६ अर्ब ४५ करोड खुद बीमा शुल्क आर्जन गरेका छन् ।
