काठमाडौं । आईतबार थप ५ सय ८१ जना कोरोना संक्रमितहरु थपिएका छन् । स्वास्थ्य तथा जनसङख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा.जागेश्वर गौतमले यस्तो जानकारी दिएका हुन् ।
पछिल्लो २४ घण्टामा देशका विभिन्न भागमा रहेका प्रयोगशालामा गरिएको परीक्षणका क्रममा यी व्यक्तिमा कोरोना पुष्टि भएको हो । आज थप ३ जना कोरोना संक्रमितहरुको मृत्यु भएको छ । योसँगै नेपालमा कोरोना संक्रमणका कारण मृत्यु हुनेको सङख्या १ सय ७ पुगेको छ ।
यो सँगै हालसम्म कोरोना संक्रमितको सङख्यम २७ हजार २ सय ४१ पुगेको छ ।आज १ सय ५१ जना संक्रमितहरु डिस्चार्ज भएका छन्।
