काठमाडौं । आज काठमाडौं उपत्यकामा १ सय १९ जना कोरोना संक्रमितहरु थपिएका छन् । स्वास्थ्य तथा जनसङख्या मन्त्रालयको नियमित प्रेस ब्रिफिङ अनुसार ललितपुर, भक्तपुर र काठमाडौंमा संक्रमितहरु थपिएका हुन् ।
पछिल्लो २४ घण्टामा देशका काठमाडौं उपत्यकामा रहेका प्रयोगशालामा गरिएको परीक्षणका क्रममा यी व्यक्तिमा कोरोना पुष्टि भएको हो । मन्त्रालयका अनुसार काठमाडौंमा ८३ जना, ललितपुरमा ३० जना र भक्तपुरमा ६ जना जनामा कोरोना संक्रमण पुष्टि भएको हो ।
