काठमाडौं । चौथौ त्रैमासको अवधिमा सानिमा बैंकको खुद नाफा घटेको छ । अघिल्लो वर्षको तुलनामा बैंकले प्रकाशित गरेको वित्तीय विवरण अनुसार खुद नाफा २४ दशमलव ५६ प्रतिशतले घटेको छ । गत आर्थिक वर्षको चौथो त्रैमाससम्ममा बैंकले १ अर्ब ७० करोड रुपैयाँ खुद नाफा कमाएको छ। अघिल्लो आर्थिक वर्ष बैंकको यस्तो नाफा २ अर्ब २५ करोड रुपैयाँ थियो।
गत आर्थिक वर्षको चौथो त्रेमाससम्ममा बैंकले ४ अर्ब २१ करोड रुपैयाँ खुद ब्याज आम्दानी गरेको छ। अघिल्लो आर्थिक वर्ष बैंकको यस्तो आम्दानी ४ अर्ब २० करोड रुपैयाँ रहेको थियो।
समिक्षा अवधिमा बैंकको संचालन नाफा घटेको छ । अघिल्लो आर्थिक वर्षमा ३ अर्ब २२ करोड रुपैयाँ सञ्चालन नाफा गरेको बैंकले गत वर्ष २ अर्ब ४१ करोड रुपैयाँ मात्रै सञ्चालन नाफा गरेको छ।
समीक्षा अवधिमा बैंकको निक्षेप संकलन ८९ अर्ब ३७ करोड रुपैयाँबाट बढेर १ खर्ब ६ अर्ब ८३ करोड रुपैयाँ पुगेको छ भने कर्जा लगानी ८१ अर्ब ४१ करोड रुपैयाँबाट बढेर ९० अर्ब ५६ करोड रुपैयाँ पुगेको छ।
बैंकको हालको चुक्ता पुँजी ८ अर्ब ८० करोड रुपैयाँ चुक्ता पूँजी रहेको बैंकको जगेडा कोषमा २ अर्ब ८२ करोड रुपैयाँ रहेको छ ।
