काठमाडौं । स्वाभिमान लघुवित्त वित्तीय संस्थाले चौथौ त्रैमासको वित्तीय विवरण सार्वजनिक गरेको छ ।चौथौ त्रैमासको अवधिसम्ममा कम्पनीको नाफा भने १० प्रतिशत घटेको छ । अघिल्लो आवको चौथो त्रैमासमा २ करोड ४८ लाख रुपैयाँ नाफा कमाएको उक्त कम्पनीको गत आवको सोही अवधिमा २ करोड २१ लाख रुपैयाँमा नाफा सिमित भएको हो ।
चौथौ त्रैमासको अवधिमा कम्पनीको सञ्चालन नाफा २९ प्रतिशत घटेको छ । अघिल्लो आवको चौथो त्रैमासमा कम्पनीले सम्भावित जोखिम बापतको ब्यवस्थामा ७२ लाख २० हजार रुपैयाँ छुट्याएकोमा गत आवको सोही अवधिमा २ करोड ७ लाख रुपैयाँ छुटाएको छ।
समिक्षा अवधिमा कम्पनीले ८९ लाख ५७ हजार खराब कर्जा उठाएको छ ।कम्पनीले अघिल्लो आवको सोही अवधिको तुलनामा ३९२ प्रतिशत वढी खराब कर्जा उठाएको हो । अघिल्लो आवको चौथो त्रैमासमा कम्पनीले १८ लाख १८ हजार रुपैयाँ खराब कर्जा उठाएको थियो ।
कम्पनीको चुक्तापूँजी ७ करोड ६७ लाख रुपैयाँ रहेको भने जगेडा कोषमा २ करोड ८० लाख रुपैयाँ संचित रहेको छ । कम्पनीको प्रतिशेयर आम्दानी २८ रुपैयाँ ८५ पैसा र प्रतिशेयर नेटवर्थ १ सय ३६ रुपैयाँ ५९ पैसा रहेको छ ।
