काठमाडौं । सिटीजन्स बैंक इन्टरनेशनले चौथौ त्रैमासको वित्तीय विवरण सार्वजनिक अनुसार नाफा घटेको छ । गत बर्षको तुलनामा बैंकको नाफा २३ प्रतिशत घटेको छ ।अघिल्लो आर्थिक बर्षको सोहि अवधिमा १ अर्ब ४६ करोड खुद नाफा गरेको उक्त बैंकको नाफा गत आवमा एक अर्ब ११ करोडमा सिमित भएको हो ।
समिक्षा अवधिमा कम्पनीले ८८ अर्ब ५१ करोड निक्षेप संकलन भएको छ भने ७९ अर्ब १६ करोड रुपैयाँ कर्जा लगानी गरेको छ । सोही अवधिमा कम्पनीको खुद ब्याज आम्दानी ७ प्रतिशतले बढेको छ ।
चौथौ त्रैमासको अवधिसम्ममा कम्पनीको संचालन नाफा घटेको छ ।सोही अवधिमा कम्पनीको वितरणयोग्य नाफा ८२ करोड ३९ लाख रुपैयाँ रहेको छ ।अघिल्लो आवको चौथो त्रैमासमा कम्पनीले २ अर्ब ६८ करोड रुपैयाँ खुद ब्याज आम्दानी गरेकोमा गत आवको सोही अवधिमा बढेर २ अर्ब ८८ करोड रुपैयाँ पुगेको हो ।
बैंकको हालको चुक्ता पूँजी ९ अर्ब ८ करोड रुपैयाँ रहेको छ भने जगेडा कोषमा ३ अर्ब ९६ करोड रुपैयाँ संचित रहेको छ । बैंकको नाफा घटेसँगै कम्पनीको प्रतिशेयर आम्दानी पनि घटेको छ । अघिल्लो आवको चौथो त्रैमासमा प्रतिशेयर आम्दानी १७ रुपैयाँ ४९ पैसा रहेकोमा गत आवको सोही अवधिमा घटेर १२ रुपैयाँ ९२ पैसामा सिमित भएको हो ।
