काठमाडौं । सिभिल लघुवित्तले आर्थिक वर्ष २०७६ /७७ को वित्तीय विवरण प्रकानश गरेको छ । बैंकको नाफा गत आर्थिक वर्षको चौथो त्रैमासमा अघिल्लो आवको सोहि अवधिको तुलनामा ८ दशमलव ४८ प्रतिशतले घटेको छ । अघिल्लो आर्थिक वर्षमा १ करोड ६० लाख ४८ हजार खुद नाफा गरेको उक्त कम्पनीले गत वर्ष १ करोड ४६ लाख ८६ हजार मात्र नाफा गरेको छ ।
हाल कम्पनीको चुक्तापूँजी १७ करोड ८० लाख ४१ हजार कायम भएको छ । जगेडा कोष रकम अघिल्लो वर्षभन्दा ६८ प्रतिशत बढी ३ करोड ५२ लाख ४७ हजार पुगेको छ ।
सम्भावित जोखिम शिर्षकमा अघिल्लो वर्षभन्दा ३३ दशमलव ५२ प्रतिशत बढी रकम १ करोड २४ लाख ४३ हजार छुट्याउँदा उक्त कम्पनीको सञ्चालन नाफा गत वर्ष घटेको हो ।
विभिन्न बैंक तथा वित्तीय संस्थाबाट ८३ करोड ३१ लाख ५५ हजार कर्जा सापटी लिएको उक्त कम्पनीले १ अर्ब ३० करोड २९ लाख ७७ हजार कर्जा प्रवाह गरेको छ ।
सो अवधिमा कम्पनीले ४० करोड २३ लाख ६७ हजार निक्षेप संकलन गरेको छ । निष्क्रिय कर्जा १ दशमलव ३४ प्रतिशत देखि बढेर २ दशमलव ५६ प्रतिशत पुगेको छ । कम्पनीको गत चौथो त्रैमाससम्म प्रतिशेयर आम्दानी १२ रुपैयाँ २६ पैसा र प्रतिशेयर नेटवर्थ १७३ रुपैयाँ ४७ पैसा रहेको छ ।
