काठमाडौं । लुम्बिनी विकास बैंकले शेयरधनीलाई पुरानो लाभांश लिन आग्रह गरेको छ । बैंकले साबिक विरगञ्ज फाइनान्स, एच एण्ड वि डेभलपमेण्ट बैंक र लुम्बिनी फाइनान्स एण्ड लिजिङ्ग कम्पनीले विभिन्न आर्थिक वर्षमा घोषणा गरेको लाभांश लिन बाँकि रहेका शेयरधनीलाई रकम लिन आउन आग्रह गरेको हो ।
हालसम्म पनि लाभांश लिन नआएका शेयरधनीले सूचना जारी गरेको ३० दिन भित्र लुम्बिनी विकास बैंकको केन्द्रीय कार्यालयमा डिल्लीबजारमा आई लाभांश बुझ्न आग्रह गरेको छ ।
उक्त समयभित्र नआएमा प्रचलित कानून बमोजिम उल्लेखित लाभांश रकम लगानीकर्ता संरक्षण कोषमा पठाउने कम्पनीले जनाएको छ ।
