काठमाडौं । राजधानीको ललितपुरस्थित भैसेपाटीमा रहेको मेडसिटी अस्पतालमा एक जना कोरोना संक्रमितको आज विहान मृत्यु भएको छ ।
कीर्तिपुरका एक ६४ बर्षिय कोरोना संक्रमण पुष्टि भइसकेको पुरुषको आज विहान उपचारको क्रममा मृत्यु भएको हो ।
सो सम्बन्धमा थप विवरण प्राप्त हुन बाँकी छ । उनको शव व्यवस्थापन नेपाली सेनाले गरिसकेको जनाइएको छ । ति पुरुषमा कोरोना भाइरस पुष्टि हुनुअघि उच्च रक्तचाप तथा मधुमेह रोगको उपचार गराउँदै आएको खुलेको छ ।
उता, बीरगन्जमा पनि आजै थप एक जना व्यक्तिको कोरोना भाइरसबाट मृत्यु भएको पुष्टि भएको छ । एक ४५ बर्षिय महिलालाई स्वास प्रश्वासमा समस्या देखिए अस्पताल पुर्याइएको थियो । उनको हिजै मृत्यु भएको हो । नारायणी कोरोना विशेष अस्पताल गण्डकमा स्वाव परिक्षण गर्दा कोरोना भाइरस पोजेटिभ देखिएको हो । बीरगन्जमा हालसम्म १८ जनाको कोरोनाबाट मृत्यु भइसकेको छ ।
उच्च रक्तचाप र मधुमेहका रोगीहरुलाई कोरोना भाइरसको संक्रमण भएमा उच्च जोखिम हुने गरेको विश्वव्यापी रुपमा देखिएको छ ।
