काठमाडौं । विश्वभर महामारीको रुपमा फैलिइरहेको कोरोना भाइरसबाट नेपालमा हालसम्म २० हजार ७५० जनामा संक्रमण फैलिएको स्वास्थ्य तथा जनसंख्या मन्त्रालयले जनाएको छ । मन्त्रालयले आयोजना गरेको पत्रकार सम्मेलनमा राजधानी काठमाडौमा मात्रै पछिल्लो २४ घण्टामा ५१ जनामा कोरोना भाइरस पुष्टि भएको जनाएको छ ।
मन्त्रालयका प्रबक्ता डा. जागेश्वर गौतमका अनुसार टेकुस्थित जनस्वास्थ्य प्रयोगशाला, बीर अस्पताल, पाटन अस्पताल, शिक्षण अस्पताल, स्टार अस्पताल, सशस्त्र प्रहरी अस्पताल र नेपाली सेनाको बीरेन्द्र सैनिक अस्पतालमा गरिएको नमुना परिक्षणको क्रममा सो मात्रामा कोरोना संक्रमितहरु भेटिएका हुन् ।
पछिल्लो २४ घण्टामा देशैभरिमा ४१८ जनामा कोरोना भाइरस देखिएको मन्त्रालयले जनाएको छ । हालसम्म कूल मृतकको संख्या ५७ पुगेको मन्त्रालयले जनाएको छ । हालसम्म ३ लाख ९८ हजार ९०७ जनाको रियल टाईम पिसिआर परिक्षण गरिएको मन्त्रालयले जनाएको छ ।
